Təhsil və Peşəkar Hazırlıq

Dr. Mahmud Mahmudov, Azərbaycan Tibb Universitetinin məzunu olub. Cərrahiyyə üzrə ixtisas təhsilini Türkiyənin Hacettepe Universitetində tamamlamış, ehtimal elmi fəaliyyətini həmin universitetdə Klinik Anatomiya üzrə PhD (tibb üzrə fəlsəfə doktoru) proqramında davam etdirir. Bundan əlavə, o, Moskva Elmi Tədqiqat Mərkəzi A.S. Loginovda robotik və minimal invaziv cərrahiyyə üzrə ixtisasartırma təhsili keçmişdir.

Elmi və Tədqiqat Fəaliyyəti

Dr. Mahmudov çoxsaylı beynəlxalq elmi konfransların iştirakçısı və tədqiqatların, həmçinin üç beynəlxalq elmi kitabda bölmə (chapter writer) müəllifidir. Onun elmi maraq dairəsi əməliyyat texnikalarının anatomiya bilikləri ilə inteqrasiyası və cərrahi nəticələrin optimallaşdırılmasıdır.

Nəşrlərdən bəziləri:

Modern Perspectives in Surgical Approaches & Anatomical Evaluations (2024)

Colorectal Cancer: Colorectal Anatomy (2024, Ankara)

Sepsisin İmmunoloji Təsirləri — Eksperimental Döş Xərçəngi Modelində (2022, Ankara)

Fəaliyyət Sahələri

Mədə-bağırsaq xərçəngi əməliyyatları

Bariatrik və metabolik cərrahiyyə (mədə kiçiltmə əməliyyatları)

Laparoskopik və robotik cərrahiyyə

Kolorektal və onkoloji cərrahiyyə

Qastrointestinal və hepatobiliar əməliyyatlar

Minimal invaziv cərrahi müdaxilələr

Hər bir əməliyyat beynəlxalq protokollar və fərdi müalicə yanaşması əsasında həyata keçirilir.

Üzv Olduğu Elmi Cəmiyyətlər və Dərnəklər

Türk Cərrahlar Dərnəyi (TCD)

Türk Kolon və Rektum Cerrahisi Derneği (TKRCD)

Türk Hepato-Pankreato-Bilier Cerrahi Derneği (THPBCD)

Azərbaycan Cərrahlar Assosiasiyası

European Society of Coloproctology (ESCP)

Peşəkar Prinsiplər

Dr. Mahmud Mahmudovun fəaliyyətində əsas prinsip — pasiyentin təhlükəsizliyi, əməliyyatın dəqiqliyi və nəticənin davamlılığıdır. Bütün xidmətlər sübuta əsaslanan tibbi yanaşma və müasir texnologiyalar üzərində qurulub. Hər bir pasiyent üçün fərdi müalicə planı hazırlanır, əməliyyat prosesi multidissiplinar nəzarət altında həyata keçirilir.